Balada de la stampela
Abbiamo trovato, nella casella del PD alla Casa del Popolo, questa divertente poesia anonima, che pubblichiamo, perchè si può giustamente fare anche un po' di ironia, rispetto ad alcune recenti vicende cittadine...
Gloria eterna a la stampela
che se pogia suta l’ascela,
de plastica, de legn o de metall,
la funsiuna ben e sensa fall.
Ghe diseven la scanscia in milanes,
l’è semper stada un bun arnes.
Benedii el sia quel che l’ha inventada,
la Giunta de destra la se salvada,
Giunta in crisi, faliment tutal,
sensa magiuransa in Consili cumünal.
Quater cunsiglier dissident
disen che el diretur l’è un preputent.
e el sindic: “Vöri minga ves ricataa”.
Ma lur respunden: “I cart in tavula l’ha cambiaa”.
“Ghe pensi mi” el dis el Curneta tüt cuntent,
“spetavi propi sto bel mument,
son specialista di trasfurmasiun,
per i pratic de curidur son un campiun.
Me n’intendi de scagn e scagnei,
pultrun, cadreg, ütüman e sgabei.
Per el nümer legal la stampela son mi,
son faa aposta per chi rop lì”.
L’eva dii diversi völt anca de recent
“Mai la stampela, son vün cuerent,
ex vicesindic de centrosinistra per des an,
podi no fa el voltagaban”.
Ma l’atrasiun de la scanscia l’ha funsiunaa,
in magiuransa l’han calapiaa.
“Nient asesur per adess,
ma un duman pudaria ves”.
In Cunsili cumünal l’upusisiun
l’ha dii “L’è una fürbada sta uperasiun”,
ma lü, facia de bruns, l’eva giamò precisaa
“El foo per el ben de l’ümanità”.
Quand la riüniun del Cunsili l’è finida
la gent l’è andada föra risentida:
Curneta el varda in gir tüt smurtii,
el ved anca quei che lü l’ha sustignii,
che sghignasen ai so spall sensa püdur,
ma lü el pensa “Son de la scanscia el prufesur.
Adess però pasi no dal curtil,
se cunfundi no cun la masa incivil.
Vo a ca dal retro sensa metes in vista,
a schirligà via son un artista.
Piasa Ruma, Via Tre Re, son föra de la bega,
e disi amò un’altra völta: chi se ne frega!”.
Impruvisament el pasa via suta un lampiun,
queicos sbarlüsis, l’è un purtaföi marun!
“Ho faa ben: de chi son pasaa,
e el me destin el s’è rivelaa.
Stasera finisi la giurnada in belesa!
Grasie Signur! Duman te farò dì una mesa!”.
El varda in gir… nisün pasa…. lü la cata sü….
“Porca vaca!... l’è merda!... Va a dà via el cü!”.
Mural
- L’è minga tüt or quel che sbarlusis.
- Chi lassa la via vegia per quela noöva el sa quel che el lassa, ma el sa no quel che el tröva.
- Quand la merda del vilan la munta sül scagn o la spüsa o la fa dagn.
Peder de la Caseca
Gloria eterna a la stampela
che se pogia suta l’ascela,
de plastica, de legn o de metall,
la funsiuna ben e sensa fall.
Ghe diseven la scanscia in milanes,
l’è semper stada un bun arnes.
Benedii el sia quel che l’ha inventada,
la Giunta de destra la se salvada,
Giunta in crisi, faliment tutal,
sensa magiuransa in Consili cumünal.
Quater cunsiglier dissident
disen che el diretur l’è un preputent.
e el sindic: “Vöri minga ves ricataa”.
Ma lur respunden: “I cart in tavula l’ha cambiaa”.
“Ghe pensi mi” el dis el Curneta tüt cuntent,
“spetavi propi sto bel mument,
son specialista di trasfurmasiun,
per i pratic de curidur son un campiun.
Me n’intendi de scagn e scagnei,
pultrun, cadreg, ütüman e sgabei.
Per el nümer legal la stampela son mi,
son faa aposta per chi rop lì”.
L’eva dii diversi völt anca de recent
“Mai la stampela, son vün cuerent,
ex vicesindic de centrosinistra per des an,
podi no fa el voltagaban”.
Ma l’atrasiun de la scanscia l’ha funsiunaa,
in magiuransa l’han calapiaa.
“Nient asesur per adess,
ma un duman pudaria ves”.
In Cunsili cumünal l’upusisiun
l’ha dii “L’è una fürbada sta uperasiun”,
ma lü, facia de bruns, l’eva giamò precisaa
“El foo per el ben de l’ümanità”.
Quand la riüniun del Cunsili l’è finida
la gent l’è andada föra risentida:
Curneta el varda in gir tüt smurtii,
el ved anca quei che lü l’ha sustignii,
che sghignasen ai so spall sensa püdur,
ma lü el pensa “Son de la scanscia el prufesur.
Adess però pasi no dal curtil,
se cunfundi no cun la masa incivil.
Vo a ca dal retro sensa metes in vista,
a schirligà via son un artista.
Piasa Ruma, Via Tre Re, son föra de la bega,
e disi amò un’altra völta: chi se ne frega!”.
Impruvisament el pasa via suta un lampiun,
queicos sbarlüsis, l’è un purtaföi marun!
“Ho faa ben: de chi son pasaa,
e el me destin el s’è rivelaa.
Stasera finisi la giurnada in belesa!
Grasie Signur! Duman te farò dì una mesa!”.
El varda in gir… nisün pasa…. lü la cata sü….
“Porca vaca!... l’è merda!... Va a dà via el cü!”.
Mural
- L’è minga tüt or quel che sbarlusis.
- Chi lassa la via vegia per quela noöva el sa quel che el lassa, ma el sa no quel che el tröva.
- Quand la merda del vilan la munta sül scagn o la spüsa o la fa dagn.
Peder de la Caseca
.png)
